Азаматтық шешімдер мини-хакатонының жеңімпаздарының бастамаларын іске асыруға шағын гранттар беру туралы 

ЕРЕЖЕ

1. Жалпы ережелер

1.1. Осы Ереже «ProNGO» азаматтық бастамалар платформасы» жобасы аясында шағын гранттар беру мақсаттарын, тәртібін, шарттары мен талаптарын айқындайды. Жоба «Белсенді Азамат» қоғамдық қоры арқылы «Азаматтық бастамаларды қолдау орталығы» КЕАҚ гранттық қаржыландыруы және «Астана қаласы әкімдігінің «Ішкі саясат басқармасы» ММ қолдауымен жүзеге асырылады.
1.2. Шағын гранттар азаматтық шешімдер мини-хакатонының қорытындылары бойынша оқыту семинарларына қатысқан үкіметтік емес ұйымдар мен бастамашыл топтардың өкілдері арасынан таңдалған жеңімпаз командаларға беріледі.
1.3. Шағын гранттар берудің мақсаты  - Астана қаласындағы әлеуметтік, экологиялық және қоғамдық маңызы бар мәселелерді шешуге бағытталған үздік азаматтық бастамаларды практикалық тұрғыда іске асыруды қолдау.

2. Қатысушылар және қатысу шарттары

2.1. Шағын грант алуға конкурсқа тек төмендегі талаптарға сай командалар қатыса алады:
• «ProNGO: азаматтық бастамаларды ілгерілетудегі әріптестік» атты оқыту семинарына қатысқан;
• азаматтық шешімдер мини-хакатоны аясында жобалық идея ұсынған;
• мини-хакатон қорытындысы бойынша қазылар алқасы анықтаған бес жеңімпаздың қатарына енген.
2.2. Бір қатысушы тек бір команда құрамында ғана бола алады.
2.3. Грант мини-хакатон шеңберінде әзірленген нақты бастаманы іске асыруға беріледі.
2.4. Грант иегерлері жобаны белгіленген мерзімде іске асырып, толық есепті ұсынуға міндетті.

3. Грант мөлшері және беру тәртібі

3.1. Барлығы 5 шағын грант беріледі, әрқайсысының мөлшері  - 1 000 000 (бір миллион) теңге.
3.2. Қаражат қайтарымсыз негізде, бірақ тек өтінімде және қазылар алқасы бекіткен мақсаттарға сәйкес пайдаланылады.
3.3. Қаражат жобаны іске асыруға қажетті ұйымдастырушылық шығындарды, материалдар мен қызметтерді сатып алуды, сондай-ақ жобада көзделген іс-шараларды өткізуге жұмсалуы мүмкін.
3.4. Грант қаражатын төмендегі мақсаттарға пайдалануға жол берілмейді:
• қатысушылардың жеке қажеттіліктеріне;
• жоба шеңберінен тыс жалақы төлеуге;
• бастама мазмұнына қатысы жоқ өзге мақсаттарға.

4. Жеңімпаздарды іріктеу және бекіту тәртібі

4.1. Бастамаларды іріктеуді үкіметтік емес ұйымдар, мемлекеттік органдар және тәуелсіз сарапшылар өкілдерінен құралған қазылар алқасы жүргізеді.
4.2. Бағалау критерийлері:
• бастаманың өзектілігі мен әлеуметтік маңыздылығы;
• нәтижелердің шынайылығы мен тұрақтылығы;
• инновациялық деңгейі;
• кеңейту әлеуеті.
4.3. Қазылар алқасының шешімі хаттамамен рәсімделеді, ұйымдастырушы бекітеді және жеңімпаздармен келісімшарт жасасудың негізі болып табылады.

5. Грант иегерлерінің міндеттері

5.1. Жобаны толық көлемде және белгіленген мерзімде іске асыру.
5.2. Шығармашылық есеп ұсыну, оның ішінде:
• нәтижелердің мәтіндік сипаттамасы;
• бастаманы іске асыруды растайтын фото және бейнематериалдар;
• қатысушылардың немесе бенефициарлардың пікірлері (болған жағдайда).
5.3. Визуализация және брендинг талаптарын сақтау (жоба мен серіктестер логотиптерін пайдалану).
5.4. Жоба қорытындысы бойынша визуалды кейстер мен аналитикалық жазба дайындауға жәрдемдесу.

6. Есептілік және бақылау

6.1. Ұйымдастырушы гранттардың іске асырылуын бақылауға, қосымша құжаттар мен растауларды сұратуға құқылы.
6.2. Қорытынды есеп бастаманы іске асыру аяқталғаннан кейін 5 жұмыс күні ішінде ұсынылады.
6.3. Келісімшарт шарттары орындалмаған жағдайда, грант иегері пайдаланылмаған немесе мақсатсыз жұмсалған қаражатты қайтаруға міндетті.

7. Қорытынды ережелер

7.1. Осы Ереже бекітілген сәттен бастап күшіне енеді және жобаның есепті кезеңі аяқталғанға дейін қолданылады.
7.2. Гранттарды іске асыру кезінде туындайтын даулы мәселелер ұйымдастырушы және тапсырыс берушімен бірлесе отырып жұмыс тәртібінде шешіледі.

Қосымшалар:
• Бастамаларды іріктеу жөніндегі қазылар алқасының хаттамасы;
• Грант иегерімен жасалатын келісімшарт үлгісі;
• Шығармашылық есеп нысаны (фото және бейне сілтемелер бөлімімен).